نقاء أنثى مشرفة مجد الفرفشة وبنات حواء
عدد الرسائل : 330 العمر : 42 تاريخ التسجيل : 16/02/2008
| موضوع: أحلى الكلام اكيد ما دل ودل السبت مارس 01, 2008 6:16 pm | |
| صحيت من النوم , ونزلت من فوق الكرفاية ( السرير ), و فتحت الفلاجة (الثلاجه ), و شربت عرنجوش ( عصير برتقال ), وكليت ميوه ( فواكه ) وسحه ( تمر ) , و لبست الزنجفره ( الفانيله ) نمره واحد ( رقم واحد ) والى شريته من حفيز آخوند (محل آخوند), و حطيت الكشمة ( النظاره ) الى عليها النمونه الحمره ( العلامه الحمره) , وخذيت التمبه الربل( الكرة المطاطيه) من فوق روشنة الدهريز( حفرة فى الحائط بمدخل البيت ) , و آنه نازل من دجة البيت ( عتبة البيت) و الفريج خرمس ( الحى فى ظلا م دامس ) و الشوارع سهده ( هادئه), و الجو سريده ( برد قارس ), و الآ بصوت عمبلوص ( سيارة اسعاف ) مهتد و شاخطه ( مسرع ) , و مسوى دندره ( ازعاج ) فى الفريج , و معاهم دختر( دكتور) شيبه و قصله (قصير القامه) لكن مملوح ( وسيم ) , كانوا كلهم رايحين صوب الاسبيتار( المستشفى ) , و شايلين معاهم واحد ميهود (مريض ), و شوى و الا بست( باص ) متروس, وعليه نيشان و نمرة ( علامة ورقم) نقل عام , و كان يسوق مثل الغيلمه ( السلحفاة ), و حاط على البانت عكس( وضع على السياره صوره ) مكتوب عليه " نحو الأمية " (محو الأميه ) و كلهم مستانسين , قلت آنشدهم (أسألهم ) وين رايحين , رد على واحد قلج ( صعب المراس ) لكن كان يلبلب ( طليق اللسان ), قال لى رايحين الكشته (رحله ) , تبى اتيى معانه , قلت له و الله قميظه ( حسافه), آنه محيوب من الكشته (ممنوع ), آقول باشوفكم الللابله (بعد الغد ) الأحسن آروح آلعب فى التمبه الدويحه ( الكرة الدائرية ),تره غلق الوقت ( تأخرالوقت ). | |
|
السيدة مشرفة المنتدى العـام والصـور
عدد الرسائل : 1030 العمر : 35 تاريخ التسجيل : 09/02/2008
| موضوع: رد: أحلى الكلام اكيد ما دل ودل الإثنين مارس 03, 2008 9:16 pm | |
| هههههههه قريتها مرة بس بعد مافهمت ليها خخخخ
يسلمووو خيوتي | |
|
نقاء أنثى مشرفة مجد الفرفشة وبنات حواء
عدد الرسائل : 330 العمر : 42 تاريخ التسجيل : 16/02/2008
| موضوع: رد: أحلى الكلام اكيد ما دل ودل الثلاثاء مارس 04, 2008 11:15 am | |
| وش ما فهمتين يا خلفهم يكولون لش يعني الكلام اللي بين قوسين هو معنى الكلام وش هذا عفر الا ما تفتهم خخخخخ نقاااااااااااء | |
|